Dy shqiptarë të moshës 25 dhe 36 vjeç janë arrestuar në Itali, pasi përshtatën kasollen në shtëpi bari.
Mediat italiane bëjnë me dije se lënda e sekuestruar kapte vlerën e 1.4 mln eurove, ku brenda ambientit të një kasolle ishin kultivuar mbi 3000 bimë narkotike.
Ekspertët shpjegojnë se nga bimët, kultivuesit mund të kishin marrë 200 kilogramë marijuanë me një vlerë totale, që pasi të dilte në treg do kapte vlerën e rreth 1.4 milionë eurove. Krahas tyre, tashmë kishte filluar kultivimi i 1700 bimëve të tjera, të cilat, sapo të priteshin bimët e para, do të zinin vendin e tyre në sera.
Raportohet se shqiptarët mbanin brenda ambienteve dhe armë zjarri të cilat iu sekuestruan.
Ata janë dërguar në paraburgim në Bassone në pritje të marrjes në pyetje dhe njohjes me masën e sigurisë.